Shkruar nga Jonathan Hollerman në Twitter

Çfarë mëson Kisha për feminitetin dhe martesën?

• Egalitarianizmi – “Barazi” e gjinive, martesa është nënshtrim i ndërsjellë, pa hierarki.

• Komplementarianizmi – Udhëheqje dhe nënshtrim pietist, refuzon “autoritetin” mashkullor.

• Patriarkalizmi Biblik – “Sundimi i Babait”, pikëpamja historike dhe biblike mbi rolet gjinore.

Për shkak se gjithnjë e më shumë të krishterët kanë refuzuar Patriarkalizmin Biblik gjatë 100 viteve të fundit dhe kanë sjellë filozofinë shekulare të dashurisë dhe martesës në kishë, ne kemi parë shkatërrimin e plotë të familjes së krishterë.

Mjafton të shikoni statistikat:

• Më shumë se 50 % e të gjitha martesave sot përfundojnë në divorc (shkalla e divorceve te të krishterët është e njëjtë).

• 70 % e të gjitha divorceve iniciohen nga gratë (90 % nëse ato janë të arsimuara në universitet).

• Gratë e martuara që punojnë jashtë shtëpisë: nga 6 % në vitin 1900 → në 60 % në vitin 2019.

• Numri i fëmijëve për familje: 7.04 në vitin 1800 → 3.56 në 1900 → 1.73 në vitin 2018.

• Më pak se 10 % e ungjillorëve sot kundërshtojnë predikimin e grave nga podiumi.

• Sot, 84 %e të krishterëve i dërgojnë fëmijët e tyre në shkollat publike për t’u indoktrinuar.

• Autorët femra tani tejkalojnë burrat në literaturën e krishterë me një raport katër me një.

• 82 % e adoleshentëve që marrin pjesë në “takimet e të rinjve” braktisin besimin e krishterë pas një viti në universitet.

Në më pak se tre breza, 2000 vite histori të kishës, dhe leximi dhe aplikimi i qartë i shkrimeve biblike për dashurinë, martesën, rolet gjinore, rritjen e fëmijëve dhe udhëheqjen mashkullore në kishë dhe familje, janë refuzuar plotësisht nga pothuajse të gjitha denominacionet perëndimore. Sot, shumica e pastorëve dhe seminareve mësojnë të kundërtën e një leximi të thjeshtë dhe të qartë të pasazhit. Më pak se 1 % e seminareve mbajnë dhe mësojnë ende Patriarkalizmin Biblik, kur njëqind vite më parë kjo ishte mbi 95 %.

Si ndodhi ky ndryshim i madh? Përgjigjja e thjeshtë është frikacakëria absolute e burrave në podiume gjatë 75 viteve të fundit për t’u përballur, me Shkrimin, me rritjen marramendëse të feminizmit brenda kishave të tyre. Në këtë boshllëk, feministet egalitariane morën nën kontroll seminaret dhe rishkruan “doktrinat” dhe “teologjinë” në lidhje me “feminitetin e perëndishëm”.

Ashtu si Satani në kopësht, “doktrina” egalitariane u mëson hapur grave që:

• Të vënë në dyshim Shkrimin – Zanafilla 3:1 “A ka thënë vërtet Perëndia…?”

• Të mohojnë Shkrimin – Zanafilla 3:4 “Jo! Kjo nuk është ajo që tha Perëndia…”

• Të shtrembërojnë Shkrimin – Zanafilla 3:5 “Në fakt, Perëndia e di që sytë tuaj do të hapen…”

Ashtu siç paralajmëron 2 Timoteu 3:6, Egalitarianët shkatërrojnë familje të tëra duke shkuar te gratë përmes mësimeve të rreme në librat më të shitur të krishterë, muzikës, arsimit të lartë, industrinë e argëtimit dhe influencerat e mediave sociale. Egalitarianët tregojnë shumë histori emocionale, shtrembërojnë Fjalën e Perëndisë, denoncojnë të këqijat e Patriarkizmit të së kaluarës dhe i ngrejnë historitë përshkruese mbi Shkrimin normativ për të kënaqur dëshirat e grave. Sot, shumica e të krishterëve po mashtrohen në këtë çështje nga “fryma e kohës”.

Në vitin 1987, John Piper u përpoq të krijonte një rrugë të mesme për të kënaqur ngritjen e feminizmit duke shpikur termin “Komplementarizëm”, duke u thënë burrave të bëhen “Udhëheqës Shërbyes” për gratë e tyre. Teorikisht, ata afirmojnë udhëheqjen dhe nënshtrimin, por vetëm në mënyrë pietiste, ndërsa në praktikë refuzojnë çdo autoritet mashkullor. Ata bashkuan duart me egalitarianët duke denoncuar Patriarkalizmin Biblik si shumë të rreptë, shtypës dhe “abuziv” ndaj grave.

Sot, me rënien e Patriarkalizmit, gratë komplementariane po drejtohen me shpejtësi drejt egalitarianizmit të plotë (shumica as nuk e kuptojnë këtë). Ndërkohë, burrat e perëndishëm po refuzojnë gjithnjë e më shumë martesën me gra të krishtera të zhurmshme, të pavarura dhe rebele që nuk duan të jenë thjesht një amvise shtëpi-bërëse apo ndihmëse. Për fat të keq, thirrja feministe “Shkatërro Patriarkalizmin” ia doli mbanë.

Kisha e krishterë perëndimore është pothuajse tërësisht egalitariane në këtë pikë, edhe pse shumë ende përdorin etiketën sipërfaqësore të komplementarizmit. Nëse ne me të vërtetë e duam Krishtin, dëshirojmë ta kënaqim atë me jetën tonë dhe dëshirojmë të riparojmë miliona martesa të thyera dhe të çekuilibruara të krishtera, duhet ta konformojmë veten me Shkrimin dhe të rikthehemi te Patriarkalizmi Biblik në familje.

Më poshtë janë dy libra historikë, doktrinarë dhe teologjikë që duhen lexuar mbi martesën, jetën familjare dhe rolet gjinore (të disponueshme në Amazon):

• Richard Baxter – Shtëpia e Perëndishme (The Godly Home) (1673)

• William Gouge – Detyrat Familjare (Of Domestic Duties) (1622)

Cilin drejtim do të zgjedhësh grua moderne? A do të ndjekësh “krishterimin kulturor” të shekullit 21 apo Fjalën e Perëndisë?

“Dhe në rast se ju duket një gjë e keqe t’i shërbeni Zotit, zgjidhni sot kujt doni t’i shërbeni… Sa për mua dhe shtëpinë time, ne do t’i shërbejmë Zotit.”
(Jozueu 24:15)

Perkthyer nga: https://thetransformedwife.com/which-way-modern-women/